Foto: Hans Dijkstra
Fûgelhutten, bulten en mear...
1. Utsichtpunt De Spitpleats, it Bûtefjild
Dizze ferheging fan turfen op de hoeke fan it wetter fan De Mear en de Wiel is in ûntwerp fan Nynke-Rixt Jukema.
De fyts as de auto kinne yn de berm fan de Ottemawei delset wurde. It kuierke nei it heechhout oer de Mear nimt sa'n 5 minuten. Nei it brechje rjochts it paad folgje. Oer it polderdykje nei de Spitpleats nimt net near as in pear stappen.
De fyts as de auto kinne yn de berm fan de Ottemawei delset wurde. It kuierke nei it heechhout oer de Mear nimt sa'n 5 minuten. Nei it brechje rjochts it paad folgje. Oer it polderdykje nei de Spitpleats nimt net near as in pear stappen.
De Spitpleats' Nynke-Rixt Jukema ferwijst mei har ûntwerp nei it ûnderwerp 'tiid'. Har stekje noeget út om jin Eefkes del te Jaan en lûden en luchten yn jin op te nimmen. De sealen en turven dêr't it út oplutsen is, ferwize nei de spitketen dêr't de bewenners oan't yn de 20e ieuw ta yn bittere earmoed yn omhúsmannen.
2. Utsichtpunt De Wiel, it Bûtefjild
In skoftsje lyn stie hjir in lyts gemaaltsje ( by punt 2) mei in skerm, sa dat de fûgels yn it wetter fan tichtby te sjen wiene. It is no ôfbrutsen en ek it skerm is fuorthelle. Der is in bankje foar yn it plak kommen, mei ek in prachtich sicht op it wetter, mar de fûgels doare net echt tichtby te kommen. De fyts as de auto kinne op it parkearplak by de betonbrêge oan it Bûtefjild delset wurde. Yn in kertier rinst nei it bankje ta.
|
|
It bankje mei útsicht op de Wiel op it plak fan it eardere poldergemaaltsje. Rjochts: it skerm op it plak fan it gemaaltsje is der no ek net mear.
Sjoch foar mear oer it Bûtefjild op de side fan itfryskegea.nl
3. Utsjochtoer Ottema-Wiersma Reservaat/Sippenfinnen
Oan it Koekoekspaad stiet de moaie grutte útsjochtoer. Ek dizze toer is in ûntwerp fan Nynke-Rixt Jukema. Hy jout in prachtich útsicht oer it natuergebiet Sippenfinnen en leit neist it Ottema-Wiersmareservaat. De Sippenfinnen is in unyk gebiet dat bûten it briedseizoen tagonkelik is en fia it lytse pontsje neist de toer te berikken is. De auto kin op it parkearplak by de Ottemawei delset wurde. Mei de fyts kinst by de toer komme.
De útsjochtoer oan it Koekoekspaad jout in prachtich sicht op de Sippenfinnen en it Ottema-Wiersma Reservaat. Op de foto hjirûnder de draaibrêge, dy't troch It Fryske Gea brûkt wurdt foar ûnderhâldswurk yn de Sippenfinnen. Besykers kinne nei 1 july oan't 14 maart via in pontsje yn it gebied komme. Fan 15 maart oan't 1 July is it net tagonkelik. Mear oer it pontsje op 'e side fan itfryskegea.nl.
De draaibrêge sjoen fanôf de útsjochtoer.
4. Fûgelhut It Set, Gytsjerk
Tichtby de buorkery fan It Fryske Gea oan de Koaiwei stiet fûgelkykhut 'It Set'. Oan de râne fan de Koaiboutfeart hawwe je fanút de hutte in moai útsicht oer it wetter en de lege polders (De Warren en de Ryptsjerkster polder). In eintjse fierder de Koaiwei del is de Buismankoai. It Fryske Gea hat troch it jier hinne ekskurzjes nei dizze koai. Sjoch foar foar mear op de side fan IGF: Buisman eendenkooi in Gytsjerk. De oare koai, de Kobbekoai leit fierder yn de polder en is net tagonkelik.
5. Utsjochbult Ryptsjerksterpolder
6. Utsjochbult Grutte Wiel
Dizze bult jout in rom sicht fanút de súdkant op de Grutte Wiel en de de Ryptsjerksterpolder. Hy is te berikken fia de oan de Grinserstrjitwei lizzende paralleldyk. Fanôf it parkearplak is it in lyts eintsje rinnen.
7. Fûgelhut Lytse Wiel
Oan de súdkant fan de Grinserstrjitwei leit de Lytse Wiel. Ek hjir is in aardige fûgelhutte, dy't te berikken is oer de Woeldyk. By de ferkearsljochten op de Grinserstrjitwei (kommend fanôf Hurdegaryp) linksôf en dan fuort rjochts parallel oan de strjitwei nei it Alddiel. Nei oardel kilometer linksôf de Woeldyk op.
8. Utsjochbult De Houtwiel
Boppe op de bult jout it in prachtig útsicht op de Houtwiel. De auto kin op de Schwarzenbergloane stean. De yngong fan it gêrspaad nei de bult is oer de brêge. By de yngong is romte genôch foar de fyts.
9. Lyspôle by It Aventoer
De fûgelsjochhutte Lyspôle by soarchbuorkerij It Aventoer oan de Wynzerdyk yn Oentsjerk wurdt de lêste jierren spitigernôch net faak brûkt. Dat ek omdat de hutte ôfsluten is, mar je kinne de kaai by it bestjoer fan de fûgelwacht freegje. It is in ideaal punt om de plasdras oan de Wynzerdyk waar te nimmen. Wy hoopje dan ek dat de sjochhutte yn de takomst wer mear brûkt wurde sil. Der leit in soad materiaal dat û.o. geskikt is foar skoalklassen.
Fûgelhutte Lyspôle. Foto: Harke Heida.
Pylksturt. Foto: Rinze de Vries.
